Текст песни: 24 Grana. Ghostwriters. Carcere.

:
Stongo acussi
e prego 'a madonna,
nun sputo 'ncielo
ca 'nfaccia me torna.
Pure si canto
na storia over'
o sto sbaglianno
o nisciuno me crede,
dico accussi pe nu muorto acciso,
piglio trent'anne e nun pozzo campa!

Chillo era 'o peggio
d''o quartiere
sfruttava 'a gente
dint''a miseria,
vuttava 'e guagliune
a ffa scippi e rapine
e pure a vennere
l'eroina,
dicette a me stesso:
"Si saje campa
cca coccosa
s'adda fa".

Viero era friddo
era sabato 'e ssera
stevo parlanno
cu donna Carmela
ma all'antrasatta
arriva 'o 'nfamone
ca nun vulette senti ragione:
sbattette 'a porta
e pigliaje 'o curtiello
e a donna Carmela
stracciaje 'a gunnella.

Nun dico 'o schifo
ca me facette
restaje fore 'a porta
e nun me ne jette
e quanno 'o schifuso
fernette 'o servizio
m'appriparaje
pe ce fa leva 'o vizio:
pigliaje 'a catena 'e nu motorino
e m'assettaje lla vicino
e quanno 'o 'nfamone ascette d''a porta
tenette 'o piacere e ce presenta 'a morte!

Nun dicite niente,
aggio sbagliato
je sto 'n'galera
e lla ce sta n'ato
ca dint''a miseria
fa 'o sciacallo
e niente le diceno
'e marescialli.
Marescialli e guapparia
fanno na sola cunsultaria
e chi paga 'o debito c''a miseria
o more acciso o va 'n'galera!

Stongo acussi
e prego 'a madonna,
nun sputo 'ncielo
ca 'nfaccia me torna.
Pure si canto
na storia over'
o sto sbaglianno
o nisciuno me crede...

Giudice, giudice
c'hai cumbinato?
Assolto 'o figlio
'e nu magistrato
ca pe gelusia ha sparato
e pure a uno l'ha accuppato:
'a sentenza mo e cagnata
e 'a cundanna nun e arrivata
e a me trent'anne m'ate dato!

(Grazie a Napoletanodoc9 per questo testo)