Текст песни: Davide Van De Sfroos. Pica!. Lo Sciamano.

E quaand te imparet a vess luserta el Sass el sara pussee gross ancamo
E quaand che'l ragn el tira la tela sia l'acqua che'l suu la faran brila
Varda trii rundin che gulena roeda e s'cepen la nigula de mila muschitt
L'e una lama de lus rifletuda quella dell'unda che solta in soe l'oecc

E quaand te imparet a vess el caveden te imparereet a varda in soel fuund
el puunt el se bagna se l'acqua la dunda e la breva mata la passa a suga
Omen o dona cun't el sogn faa de paja varda con l'oecc ma impara a sarall
Impara la danza de la margherita impara a curvass senza s'cepass

RIT. Briisa de Ness, erba de Buffalora, sabbia de Fuentes e un tronn de Culmenacch.
Gula, gula... gula fina a Tresenda, gula so in Valcavargna e al Pian del Tivan

anej faa de ferr che penden del mur el Re de ogni umbria ii a dupera ancamo
El ghe liga la barca cun deent la fuschiia e sgraffigna el cipress cun l'ungia a zig zag
El ghe liga un tocch della trezza rubada ai cavej de ogni alba e ai cavej de ogni aurora
Lie bon de desfa el garbii del gumitul che te gh'eet in del ventru quand riva la nocc

E quaand te imparet a vess el merlu e a disegna cun't el becch in del praa
te truvereet anca te el to bersaglio cun la zampa che sgarla e con l'ala che va
e sculta l cancell de la darsena antiiga che'l canta cun l'acqua che bagna i soo gaamb
E l'unda la ruzza e la pica la lengua ma la darsena la sa che po mea maja el laagh

RIT.

E quaand che poe vedareet un fantasma de foeja de urtiiga de ruggin e melma
Impara el suspiir trala riva e la prona
Impara el disegn ne la ruga del sass
Troeva la pioema che ha perdu la pujana
perche gh'e deent el saangh del tramunt
El suu lassa in giir i penej che se incendia
Ma cun questa pioema tii podet smurza

E quannd te imparet a vess pipistrell a gula senza schema e curva senza curva
te pruvereet el tragitto impussibil del viagg che te feet senza moev gnanca un pass
Cun't i aal incrusaa in soel disco de loena tra i ramm dii uliiv e'l glicin che dunda
pruvereet finalment anca te quela scrunza che proeven i foej nel fiasch de ogni veent

RIT.

(Grazie a Billo per questo testo)